एकच चहा, तो पण कटिंग...
एकच पिक्चर, तो पण टॅक्स फ्री...
एकच साद, ती पण मनापासुन...
अजुन काय हवे असते मित्राकडुन ?
एकच कटाक्ष, तो पण हळुच...
एकच होकार, तो पण लाजुन....
एकच स्पर्श, तो पण थरथरुन...
अजुन काय हवे असते प्रियेकडुन ?
एकच भुताची गोष्ट, ती पण रंगवुन...
एकच श्रीखंडाची वडी, ती पण अर्धी तोडुन...
एकच जोरदार धपाटा, तो पण शिवी हासडून...
अजुन काय हवे असते आजीकडुन ?
एकच मायेची थाप, ती पण कुरवाळुन...
एकच गरम पोळी, ती पण तुप लावुन...
एकच आशिर्वाद, तो पण डोळ्यात आसवे आणुन...
अजुन काय हवे असते आईकडुन ?
एकच कठोर नकार स्वैराचाराला, तो पण ह्रदयावर दगड ठेवुन...
एकच सडेतोड उपदेश, तो पण घोग-या आवाजातुन...
एकच नजर अभिमानाची, ती पण आपली प्रगती पाहुन...
अजुन काय हवे असते वडीलांकडुन ?
सगळ्यांनी खुप दिले, ते पण न मागुन...
स्वर्गच जणु मला मिळाला, ते पण न मरुन...
फाटकी हि झोळी माझी, ती पण वाहिली भरुन...
अजुन काय हवे आहे मला आयुष्याकडुन ?
आंतरजालावरुन साभार....
No comments:
Post a Comment